ഒരു വിളിപ്പാടകലെയാണ്
എങ്കിലും
പരസ്പരം
അറിയാതെ പോയതാകാം
നമ്മൾ തമ്മിൽ
ഇത്രയും ദൂരം .....!
വാകകൾ ഇപ്പോഴും
പൂക്കാറുണ്ട്
കറുകകൾ തലനീട്ടിയ
ഗ്രാമവഴികളിൽ
മേഘങ്ങൾ ദൂത് പോകാറില്ല
ദൂരമാണ് ..........!
ഇനി കാണുമ്പോൾ
അടുപ്പം തൊന്നുമെങ്കിൽ
തിരികെത്തരാൻ
ഒരു മയിൽ‌പ്പീലിത്തുണ്ട് ...
കുറെ മഷിത്തണ്ട് - പിന്നെ
കോന്തലയിൽ സൂക്ഷിക്കാൻ
പുളിമാങ്ങയും, ഉപ്പും
ഒരു വിളിപ്പാട് അകലെയാണ് ...
ഞാനും, നീയും
മനസ്സുകളുടെ ദൂരമാണ്
മുന്നിൽ മഹാസാഗരം തീർക്കുന്നത്
നൗഷാദ് പൂച്ചക്കണ്ണൻ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ